ذرائع کے مطابق مریم اورنگزیب کو سینئر وزیر برائے منصوبہ بندی و ترقی کے ساتھ وزارت جنگلات و جنگلی حیات کا قلمدان دیا جا رہا ہے جب کہ عظمیٰ بخاری کو وزیر اطلاعات بنایا جائے گا۔ذرائع کا کہنا ہے کہ کاظم پیرزادہ کو اصلاحی، رانا سکندر حیات کو پرائمری ایجوکیشن، خواجہ عمران نذیر کو پرائمری ہیلتھ اور خواجہ سلمان رفیق کو سپیشلائزڈ ہیلتھ کی وزارت دی جائے گی۔

ذرائع کے مطابق عاشق کرمانی کو زراعت، خلیل طاہر سندھو کو انسانی حقوق، رمیش اروڑہ کو اقلیتی امور، فیصل کھوکھر کو کھیل، ذیشان رفیق کو لوکل گورنمنٹ اور سہیل بھرت کو مواصلات کی وزارت دی جارہی ہے۔ذرائع نے مزید بتایا کہ چوہدری شفیع حسین کو صنعت و تجارت اور شیر علی گورچانی کو مائنز و معدنیات کی وزارت دی جارہی ہے۔