اردو ورلڈ کینیڈا ( ویب نیوز )مسلم لیگ (ن) کی چیف آرگنائزر مریم نواز نے کہا ہے کہ فوج کے خلاف بغاوت کرنے والا آج مذاکرات کی بھیک مانگ رہا ہے
شجاع آباد میں یوتھ کنونشن سے خطاب کرتے ہوئے مریم نواز نے کہا کہ شجاع آباد والوں، نواز شریف کا آپ کو سلام، میں پہلی بار شجاع آباد آئی ہوں، نوجوان پاکستان کا مستقبل ہیں، 12 اکتوبر کو نواز شریف سے حکومت چھین لی گئی۔ 1999 کو چھینی گئی، نواز شریف نے کبھی جلاؤ گھیراؤ کی سیاست نہیں کی،

نواز شریف نے کبھی ملکی املاک کو جلانے کا نہیں کہا، درد اسے ہو گا جو ملک کا بیٹا ہے۔
مسلم لیگ (ن) کی سینئر نائب صدر مریم نواز نے مزید کہا ہے کہ جو ملک بناتا ہے وہ جلا نہیں سکتا۔ ان پر کئی بار ظلم ہوا لیکن انہوں نے جلاؤ گھیراؤ نہیں کیا، شہداء کی یادگاریں جلا دی گئیں، ایک شخص اقتدار سے محروم ہوا اور سچ سامنے آگیا
انہوں نے کہا ہے کہ شہداء کی یادگاروں کی توہین کرنے والوں کا عوام پیچھا کریں گے، شہداء کی یادگاروں کی بے حرمتی کرنے والے رعایت کے مستحق نہیں، منصوبے کے ماسٹر مائنڈ اب چھپ کر بیٹھے ہیں، مشکلات قائدین خود برداشت کرتے ہیں اس شخص نے نوجوانوں سے کتابیں چھین کر ماچس دے دیے، اس کے بچے لندن میں آرام سے بیٹھے ہیں۔
مریم نواز شریف نے مزید کہا ہے کہ 26 سال میں بننے والی پارٹی 26 منٹ میں چکناچور ہو گئی، ان کی پارٹی اتنی چھو ٹی ہوگئی ہے کہ چنگچی میں پوری ہو جائے گی، اب اسے کوئی ووٹ دینے نہیں آئے گا،