اردوورلڈ کینیڈا( ویب نیوز)وزیراعلیٰ پنجاب مریم نواز شریف نے ایئر پنجاب کو جلد از جلد فعال کرنے کی ہدایت جاری کر دی ہے۔

وزیراعلیٰ کی زیر صدارت اجلاس میں ایئر پنجاب پراجیکٹ کی پیشرفت کا جائزہ لیا گیا اور ہدایت دی گئی کہ فیز ون کی کارروائیاں جلد مکمل کی جائیں۔

اجلاس میں وزیراعلیٰ کو پراجیکٹ کی تفصیلی بریفنگ دی گئی، جس میں لاہور سے اسلام آباد کے لیے ایئر پنجاب کے فلائٹ روٹ پر اتفاق کر لیا گیا۔ مزید بتایا گیا کہ ایئر پنجاب کے لیے جدید اور آرام دہ طیارے لیز پر حاصل کیے جائیں گے تاکہ سروس معیاری اور مؤثر ہو۔

اجلاس میں مری گلاس ٹرین پراجیکٹ کا بھی جائزہ لیا گیا اور وزیراعلیٰ نے پراجیکٹ کے لیے ممکنہ اقدامات جلد اٹھانے کی ہدایت کی۔