اردو ورلڈ کینیڈا ( ویب نیوز)پاکستان مسلم لیگ ن کی سینئر نائب صدر مریم نواز کا گزشتہ روز جنیوا میں آپریشن ہوا۔
ٹوئٹر پر جاری بیان میں مریم اورنگزیب نے لکھا کہ مریم نواز شریف جنیوا میں گلے کے آپریشن کے بعد خیریت سے ہیں، ان کا آپریشن 3 گھنٹے تک جاری رہا۔

مریم اورنگزیب نے کہا کہ مریم نواز نے دعاؤں اور نیک خواہشات کے پیغامات بھیجنے والے لوگوں اور کارکنوں کا شکریہ ادا کیا۔

بعد ازاں پاکستان تحریک انصاف کے رہنما فواد چوہدری نے مسلم لیگ ن کی سینئر نائب صدر مریم نواز کے لیے نیک خواہشات کا اظہار کیا۔

ٹوئٹر پر پیغام میں فواد چوہدری نے مریم نواز کے لیے نیک خواہشات کا اظہار کرتے ہوئے لکھا کہ جلد صحت یاب ہوجائیں
اب مریم نواز نے فواد چوہدری کے ٹوئٹ پر ردعمل دیا ہے۔ فواد چوہدری کے ٹوئٹ کے جواب میں مریم نواز نے تھینک یو لکھا اور ہاتھ ملانے کا ایموجی بھی بنایا۔

Thank you 🙏🏼 https://t.co/1ej8yBLuTu

— Maryam Nawaz Sharif (@MaryamNSharif) January 7, 2023