اردو ورلڈ کینیڈا ( ویب نیوز ) شمالی غزہ میں اسرائیلی فوج کی جانب سے ایک اسکول میں گھس کر وہاں پناہ لینے والے معصوم فلسطینیوں کے قتل عام کا انکشاف ہوا ہے جن میں شیرخوار اور خواتین بھی شامل ہیں۔
الجزیرہ ٹی وی کی ایک رپورٹ میں انکشاف کیا گیا ہے کہ اسرائیلی فوج شمالی غزہ میں واقع شادیہ ابو غزالہ اسکول میں داخل ہوئی، وہاں پناہ لینے والے فلسطینیوں کو اٹھا کر علیحدہ کمروں میں لے گئی اور گولی مار کر ہلاک کردیا۔عینی شاہدین کے مطابق اسرائیلی فوج نے اسکول کے کمروں میں گھس کر وہاں موجود خواتین اور چھوٹے بچوں پر فائرنگ کی اور شیر خوار بچوں کو بھی گولیاں مار کر ہلاک کردیا۔