اردوورلڈ کینیڈا( ویب نیوز)چیف جسٹس یحییٰ آفریدی کی سربراہی میں دو رکنی بینچ نے پاکستان تحریک انصاف کے بانی کی جانب سے دائر اپیلوں پر سماعت کی۔ سماعت کے آغاز پر چیف جسٹس نے بتایا کہ کیس ملتوی کرنے کی درخواست موصول ہوئی ہے۔

اس موقع پر وکیل سلمان اکرم راجہ نے عدالت کو بتایا کہ وکیل سلمان صفدر ملک سے باہر ہیں، لہٰذا کیس کی سماعت آئندہ ہفتے تک ملتوی کی جائے اور تمام فریقین کو فوری نوٹس جاری کیے جائیں۔
تاہم عدالت نے یہ استدعا قبول نہیں کی اور کیس کی سماعت 12 اگست تک ملتوی کر دی۔یاد رہے کہ عمران خان نے 9 مئی سے متعلق کیسز میں بعد از گرفتاری ضمانت کے لیے سپریم کورٹ سے رجوع کیا تھا، کیونکہ لاہور ہائیکورٹ نے ان کی ضمانت کی درخواست مسترد کر دی تھی۔