اردوورلڈکینیڈا( ویب نیوز)انٹرنیشنل سول ایوی ایشن آرگنائزیشن کے 42ویں اجلاس کا انعقاد 23 ستمبر سے 3 اکتوبر 2025 تک کینیڈا کے شہر مونٹریال میں ہوا۔

اس موقع پر پاکستان سول ایوی ایشن اتھارٹی کو صدرِ کونسل سرٹیفکیٹ سے نوازا گیا۔ یہ ایوارڈ پاکستان کی فضائی تحفظ میں نمایاں بہتری کے اعتراف کے طور پر دیا گیا، جو ڈائریکٹر جنرل پی سی اے اے ندیر شافی ڈار نے وصول کیا۔
اس موقع پر ڈائریکٹر جنرل پی سی اے اے نے کہا کہ پاکستان آئی سی اے او کے معیار اور تجویز کردہ طریقہ کار پر عملدرآمد جاری رکھنے کے لیے پُرعزم ہے۔
انہوں نے بتایا کہ پی سی اے اے کی مسلسل کوششوں کے نتیجے میں 2024 میں ہونے والے آئی سی اے او کوآرڈینیٹڈ ویلیڈیشن مشن میں پاکستان کا ایفیکٹیو امپلیمنٹیشن 84.69 فیصد رہا جو خطے اور دنیا کے اوسط سے زیادہ ہے۔
اسی طرح 2024 کے یو ایس اے پی آڈٹ میں بھی پاکستان نے 86.79 فیصد اسکور حاصل کیا جو علاقائی اور عالمی اوسط سے بلند ہےپاکستان کے ہائی کمشنر محمد سلیم نے اس ایوارڈ کو بر وقت اور خوش آئند قرار دیتے ہوئے کہا کہ یہ پاکستان کے سول ایوی ایشن سیکٹر کے لیے ایک نیک شگون ہے۔
انہوں نے کہا کہ سول ایوی ایشن کا شعبہ پاکستان کو دنیا سے جوڑنے میں اہم کردار ادا کرتا ہے سال 2024 میں پاکستان کا بین الاقوامی مسافر ٹریفک 1 کروڑ 60 لاکھ سے زائد رہا جبکہ گھریلو مسافروں کی تعداد صرف 58 لاکھ تھی۔ انہوں نے پاکستان میں بڑھتی ہوئی ایوی ایشن انڈسٹری کی صلاحیت کو بھی اجاگر کیا۔