78
اردوورلڈکینیڈا( ویب نیوز)پشتونخوا ملی عوامی پارٹی کے چیئرمین محمود خان اچکزئی کو قومی اسمبلی میں اپوزیشن لیڈر کے طور پر نامزد کر دیا گیا ہے۔
اپوزیشن نے اس ضمن میں سیکرٹری قومی اسمبلی کے دفتر میں باضابطہ درخواست جمع کرائی، جس میں چیف وہپ عامر ڈوگر، اسد قیصر اور دیگر رہنماؤں نے حصہ لیا۔ درخواست پر اپوزیشن کے 74 ارکان نے دستخط کیے تاکہ محمود خان اچکزئی کو اپوزیشن لیڈر کے طور پر منظور کیا جا سکے۔
تاہم، پاکستان تحریک انصاف کے تین ارکان، علی افضل ساہی، عمر فاروق اور صاحبزادہ محبوب سلطان ملک اس وقت غیر حاضر تھے، اس لیے وہ درخواست پر دستخط نہیں کر سکے۔
سپیشل سیکرٹری قومی اسمبلی نے درخواست وصول کر لی اور ایڈوائزر آفس نے اسے ڈائری نمبر دے کر رجسٹر کر دیا۔
