Imran 
اردو ورلڈ کینیڈا ( ویب نیوز ) سائنسدانوں نے حال ہی میں پھیپھڑوں میں تیرنے کے قابل مائکروسکوپک روبوٹ تیار کیے ہیں جو کیموتھراپی کو براہ راست پھیپھڑوں میں کینسر کے خلیوں تک پہنچا سکتے ہیں۔سائنس ایڈوانسز نامی جریدے میں شائع ہونے والی رپورٹ کے مطابق سائنسدانوں نے چھوٹے مائیکرو بوٹس تیار کیے ہیں جو کیموتھراپی کی دوائیں براہ راست پھیپھڑوں کے کینسر کے خلیوں تک پہنچانے کی صلاحیت رکھتے ہیں۔
یونیورسٹی آف کیلیفورنیا کے پروفیسر اور محقق لیانگ فانگ ژانگ نے کہا کہ یہ ایک ایسی ٹیکنالوجی ہے جو پھیپھڑوں کے تمام ٹشوز کو جوڑ کر پھیپھڑوں کی مختلف بیماریوں کا فعال اور مؤثر طریقے سے علاج کر سکتی ہے۔محققین نے کہا کہ مائکروبوٹس نینو پارٹیکلز پر مشتمل ہوتے ہیں جو کائی کے خلیات کی سطح پر قائم رہتے ہیں۔ کائی نینو پارٹیکلز کو پھیپھڑوں کے اندر تیرنے اور ٹیومر تک کیموتھراپی کی دوائیں تلاش کرنے اور پہنچانے کے قابل بناتا ہے۔لیانگ فینگ ژانگ نے وضاحت کی کہ یہ مائکروبوٹس ایک ‘بہروپےکے طور پر کام کرتے ہیں۔ یہ نینو پارٹیکلز جسم میں خون کے سرخ خلیات کے طور پر ظاہر ہوتے ہیں۔ یہی وجہ ہے کہ یہ مدافعتی ردعمل کو متحرک نہیں کرتا ہے۔
