اردو ورلڈ کینیڈا ( ویب نیوز)بین الاقوامی اقتصادی جریدے بلومبرگ کی رپورٹ میں انکشاف کیا گیا ہے کہ پاکستان سے روزانہ 50 لاکھ ڈالر افغانستان جا رہے ہیں۔

بلومبرگ کی رپورٹ میں انکشاف کیا گیا ہے کہ پاکستان سے ڈالر کی اسمگلنگ طالبان حکومت کی لائف لائن ہے، افغانستان کی یومیہ ضرورت ایک سے ڈیڑھ ملین ڈالر ہے جب کہ اقوام متحدہ انسانی حقوق کی بنیاد پر افغانستان کو ہفتہ وار 40 ملین ڈالر فراہم کر رہا ہے۔

رپورٹ میں کہا گیا ہے کہ ڈالر کے اسمگلر افغانی کرنسی بھی خرید رہے ہیں جس کی وجہ سے افغانی کرنسی کی قدر میں 5.6 فیصد اضافہ ہوا، دسمبر 2021 میں 124 افغانی روپے سے ایک ڈالر ہو گیا جو کہ اب تقریباً 90 روپے ہے۔

بلومبرگ کی رپورٹ کے مطابق اس عرصے کے دوران پاکستانی کرنسی کی قدر میں 37 فیصد کمی ہوئی ہے اور افغان کرنسی مضبوط ہوئی ہے ۔