اردو ورلڈ کینیڈا ( ویب نیوز ) کینیڈا کی میزبانی میں ہونے والا یہ اجلاس اس ماہ کی 15 سے 17 تاریخ تک جی 7 سربراہی اجلاس ہوگا۔

6 سال میں پہلی بار، بھارتی وزیر اعظم نریندر مودی کے G7 سربراہی اجلاس میں شرکت نہ کرنے کا امکان ہے۔بھارتی میڈیا کے مطابق وزیراعظم مودی کو ابھی تک کینیڈا کی جانب سے اجلاس میں شرکت کا باضابطہ دعوت نامہ موصول نہیں ہوا اور بھارت میں کہا جا رہا ہے کہ اگر مدعو کیا گیا تو بھی مودی ممکنہ طور پر شرکت نہیں کریں گے۔خاص طور پر جب بھارت کو یقین نہیں ہے کہ آیا کینیڈا کی نئی حکومت خالصتان تحریک کی سرگرمیوں پر بھارتی تحفظات کو سنجیدگی سے لے گی۔کینیڈین جی 7 کے ترجمان نے اس بات کی تصدیق نہیں کی کہ آیا مودی کو دعوت دی جائے گی۔