اردوورلڈ کینیڈا( ویب نیوز)وفاقی وزیر داخلہ اور چیئرمین پاکستان کرکٹ بورڈ سید محسن نقوی نے وزیراعظم محمد شہباز شریف سے ملاقات کی اور اہم امور پر تبادلہ خیال کیا۔

محسن نقوی نے وزیر اعظم کو امریکہ کے حالیہ دورے اور اس دوران اہم امریکی حکام، کاروباری برادری اور سرمایہ کاروں سے ان کی ملاقاتوں کے بارے میں آگاہ کیا۔
ملاقات کے دوران محسن نقوی نے وزیراعظم کو چیمپئنز ٹرافی کے انعقاد کی تیاریوں سے بھی آگاہ کیا جس پر وزیراعظم شہباز شریف نے محسن نقوی سمیت بورڈ کی پوری ٹیم کی کوششوں کو سراہا۔
وزیر داخلہ نے وزیر اعظم کو اسلام آباد میں جاری ترقیاتی کاموں کی پیش رفت سے بھی آگاہ کیا جس پر وزیراعظم نے کام کی رفتار کو سراہتے ہوئے ٹیم کو بروقت کام مکمل کرنے پر مبارکباد دی۔
اجلاس میں محسن نقوی نے وزیراعظم کو انسانی اسمگلنگ میں ملوث گروپوں کے خلاف آپریشن کی پیش رفت اور تفصیلات سے آگاہ کیا جبکہ وزیر داخلہ نے شہباز شریف کو ملک میں امن و امان کی صورتحال سے آگاہ کیا۔