لاہور کے علاقوں گڑھی شاہو، ایبٹ روڈ، مال روڈ، اسلام پورہ، چوبرجی، اچھرہ، مسلم ٹاؤن، ماڈل ٹاؤن، گرین ٹاؤن، نشتر ٹاؤن اور جوہر ٹاؤن میں بارش سے موسم خوشگوار ہو گیا ہے۔

پنجاب کے دیگر شہروں، جن میں گوجرانوالہ، گوجر خان، ملتان اور دیگر علاقے شامل ہیں، میں بھی تیز بارش ہوئی ہے۔ محکمہ موسمیات کے مطابق آئندہ 24 گھنٹوں میں مزید بارش کا امکان ہے۔

بارشوں کے باعث پنجاب میں مختلف حادثات میں 7 افراد جاں بحق اور 7 زخمی ہو چکے ہیں۔

بلوچستان میں بھی مون سون بارشوں کے دوران حادثات رپورٹ ہوئے ہیں، جن میں 10 افراد جان کی بازی ہار گئے اور 7 زخمی ہوئے۔ دریائے سندھ میں کندیاں کے مقام پر نچلے درجے کا سیلاب ریکارڈ کیا گیا ہے، جب کہ چشمہ بیراج میں پانی کی آمد 3 لاکھ 73 ہزار 800 کیوسک تک پہنچ گئی۔