Imran 
اردو ورلڈ کینیڈا ( ویب نیوز ) ترکی میں ایک ہفتے کے دوران داعش کے سو سے زائد ارکان کو گرفتار کر لیا گیا۔ترک حکام نے کہا کہ یہ دہشت گرد گروہ کے ارکان کی گرفتاری کی مہم میں تازہ ترین ہے جو 2017 سے داعش کے حملے کی زد میں ہے، جب داعش نے 2017 میں ایک نائٹ کلب پر حملہ کیا تھا۔ جس میں درجنوں افراد مارے گئے تھے۔ترک وزیر داخلہ علی یرلیکایا نے سوشل میڈیا پلیٹ فارم ایکس پر لکھا کہ ترکی میں دہشت گردوں کے خلاف حالیہ مہم نے پورے ملک کو اپنی لپیٹ میں لے لیا ہے، دارالحکومت انقرہ کے علاوہ ترکی کے سب سے بڑے شہر استنبول میں بھی چھاپے مارے گئے ہیں۔
ان کے مطابق رواں ماہ کے دوران مختلف چھاپوں میں 119 مشتبہ افراد کو گرفتار کیا گیا جن میں سے 99 کو اگست کے آغاز میں حراست میں لیا گیا۔واضح رہے کہ 2019 میں داعش کی جانب سے قائم کردہ خلافت کے خاتمے کے بعد سے اس کے متعدد مشتبہ ارکان ترکی میں رہنے کی کوشش کر رہے ہیں۔ مزید افراد کو گرفتار کیا گیا ہے۔
