43
اردو ورلڈ کینیڈا ( ویب نیوز ) فلپائن میں طوفان کے باعث ہونے والے مختلف حادثات میں اب تک 100 افراد ہلاک ہو چکے ہیں۔ غیر ملکی میڈیا کے مطابق 24 اکتوبر کو فلپائن سے ٹکرانے والے سمندری طوفان ٹرامی کی تباہی کا سلسلہ جاری ہے اور طوفان کے باعث ہونے والے مختلف حادثات میں ہلاک ہونے والوں کی تعداد اب 100 سے تجاوز کر گئی ہے۔ نیوز کے مطابق رہائشی علاقوں میں طغیانی اور موسلا دھار بارش کے باعث نظام زندگی درہم برہم ہو گیا اور گھروں میں پانی جمع ہونے سے شہری گھروں کی چھتوں پر پھنس کر رہ گئے۔ فلپائنی حکام کا کہنا ہے کہ انہوں نے سمندری طوفان کے خطرے کے پیش نظر 5 لاکھ سے زائد افراد کو اپنا گھر بار چھوڑنے پر مجبور کر دیا ہے جب کہ سیلابی صورتحال کے بعد اب بھی 40 افراد لاپتہ ہیں جن کی تلاش جاری ہے۔ اضافے کا خدشہ بھی ہے۔
