اردو ورلڈ کینیڈا ( ویب نیوز ) اسرائیلی فوج نے دعویٰ کیا ہے کہ ایران پر جاری فضائی حملوں کے دوران پاسداران انقلاب سمیت ایرانی افواج کے 20 سے زائد اعلیٰ فوجی کمانڈروں کو نشانہ بنایا ہے۔

صہیونی فورسز کے حوالے سے بتایا کہ اسرائیلی فضائی حملے میں مبینہ طور پر کئی اہم فوجی اہلکار مارے گئے ہیں۔ غیر ملکی میڈیا نے ایک بیان میںبتایا کہ تہران اور دیگر اہم علاقوں میں واقع کمانڈ اینڈ کنٹرول سینٹرز، ہتھیاروں کے گوداموں اور فوجی ہیڈکوارٹرز پر کامیاب حملے کیے جس کے نتیجے میں ایرانی فورسز کو بھاری جانی نقصان اٹھانا پڑا۔تاہم ایرانی حکومت نے اس دعوے کی تصدیق یا تردید نہیں کی ہے اور سرکاری سطح پر صرف یہ کہا گیا ہے کہ حملے جاری ہیں اور دفاعی نظام مکمل طور پر کام کر رہا ہے۔ایرانی وزارت دفاع کا کہنا ہے کہ حملوں کی نوعیت اور نقصان کا اندازہ لگایا جا رہا ہے۔