اردو ورلڈ کینیڈا ( ویب نیوز ) غزہ کے مختلف علاقوں میں اسرائیلی بمباری سے ایک بے گھر فلسطینی خاندان کے 9 افراد سمیت 30 سے ​​زائد فلسطینی شہید ہو گئے ہیں۔عرب میڈیا کی رپورٹ کے مطابق اسرائیلی فوج کی جانب سے مشرقی غزہ کے علاقے منصورہ پر ڈرون حملہ کیا گیا جب کہ شجاعیہ کے قریب ایک رہائشی بلاک بھی مکمل طور پر تباہ ہوگیا۔ خان یونس سے ہزاروں بے گھر فلسطینیوں کی جبری بے دخلی اسرائیلی فوج کی جانب سے ہزاروں بے گھر فلسطینیوں کو یورپی اسپتالوں اور کیمپوں میں منتقل کرنے کی دھمکی کے بعد شروع ہوئی۔

اقوام متحدہ کے مطابق غزہ میں بے گھر ہونے والے فلسطینیوں کی تعداد 19 لاکھ تک پہنچ گئی ہے۔دوسری جانب شمالی غزہ پر اسرائیلی حملے کے جواب میں فلسطینی مزاحمت کاروں کی جانب سے اسرائیلی فوج کے خلاف جوابی کارروائی کا سلسلہ جاری ہے۔ادھر جنوبی لبنان میں اسرائیلی فضائی حملے میں ایک شخص ہلاک ہو گیا۔
اسرائیلی حملے کے جواب میں حزب اللہ نے کریات شمونہ میں اسرائیلی فوجی اڈے کو راکٹ اور ڈرون حملے میں نشانہ بنایا۔7 اکتوبر سے غزہ میں شہید ہونے والے فلسطینیوں کی تعداد 37 ہزار 925 سے تجاوز کر گئی ہے جب کہ 87 ہزار 141 فلسطینی زخمی ہو چکے ہیں، شہید اور زخمی ہونے والوں میں زیادہ تعداد خواتین اور بچوں کی ہے۔