اردو ورلڈ کینیڈا ( ویب نیوز )  اس سال رمضان المبارک کے آخری عشرے میں  4 ہزار 200 مرد و خواتین اعتکاف میں بیٹھیں گے۔

مسجد نبوی میں معتکفین کے لیے انتظامات مکمل کر لیے گئے ہیں۔ اس سال رمضان المبارک کے آخری عشرے میں 4 ہزار 200 عازمین مسجد نبوی کے مہمان ہوں گے۔

مسجد نبوی کی مغربی چھت مرد معتکفین کے لیے مختص تھی ، مرد معتکفین کرام نقل و حمل کے لیے باب نمبر چھ اور داخلی سیڑھیاں اور باب نمبر 10 استعمال کریں گے۔باب 24 اور 25 مسجد نبوی کے داخلی دروازے اور شمال مشرقی جانب خواتین کے اعتکاف کے لیے مختص کیے گئے ہیں۔

یہ بھی پڑھیں

مسجدنبوی میں اعتکاف کےخواہشمند معتمرین کی رجسٹریشن شروع

کمیٹی برائے امور مسجد نبوی کی جانب سے جاری بیان میں کہا گیا ہے کہ سحری اور افطاری میں معتکفین کے لیے کھانے پینے کا انتظام کیا گیا ہے اور طبی سہولیات بھی فراہم کی جائیں گی۔اس کے علاوہ معتکفین کو ان کی زبانوں میں مذہبی اسباق دینے کا بھی انتظام کیا گیا ہے تاکہ وہ اس عبادت سے زیادہ سے زیادہ فائدہ اٹھا سکیں۔