اردو ورلڈ کینیڈا ( ویب نیوز)موٹروے پولیس نے شدید دھند میں حفاظتی اقدامات کے تحت مختلف مقامات سے موٹرویز کو ٹریفک کے لیے بند کردیا۔

لاہور ملتان موٹروے دھند کے باعث فیض پور سے درخانہ تک بند ہے، موٹروے ایم فور فیصل ابڑ سے عبدالحکیم تک جبکہ موٹروے ایم 5 شیر شاہ سے ترنڈہ محمد پناہ تک بند ہے۔

ترجمان موٹروے پولیس سید عمران احمد کا کہنا ہے کہ موٹروے عوام کے تحفظ اور محفوظ سفر کو یقینی بنانے کے لیے بند کی گئی ہے
سڑک استعمال کرنے والے آگے اور پیچھے فوگ لائٹس استعمال کریں، شہری غیر ضروری سفر، تیز رفتاری سے گریز کریں۔ آنے والی گاڑی سے بچیں اور مناسب فاصلہ رکھیں۔

سید عمران احمد نے مزید کہا کہ شہری معلومات اور مدد کے لیے ہیلپ لائن 130 پر رابطہ کریں، موٹروے پولیس ہمسفر ایپ سے بھی معلومات حاصل کی جا سکتی ہیں۔