اردوورلڈ کینیڈا( ویب نیوز)پی ٹی آئی کی بانی بشریٰ بی بی کی اہلیہ کی پی ٹی آئی میٹنگ میں مبینہ تقریر کی آڈیو منظر عام پر آگئی ہے۔

بشریٰ بی بی نے اپنے خطاب میں کہا کہ بانی پی ٹی آئی کا پیغام تمام صدور، جنرل سیکرٹریز، ایم این اے اور ایم پی اے کے لیے ہے، ہر ایم پی اے 5 ہزار اور ایم این اے 10 ہزار کا قافلہ لے کر آئے گا۔
بشریٰ بی بی نے کہا کہ عمران خان نے کہا تھا کہ آپ گاڑیوں کی ویڈیو بنائیں جس میں عام لوگ بھی نظر آئیں صرف کارکنان ہی نہیں عوام کو بھی احتجاج پر لایا جائے، ویڈیو ثبوت فراہم نہ کرنے والوں کو آئندہ ٹکٹ نہیں ملے گا ، انٹرنیٹ ڈاؤن ہوگا، متبادل انتظام کرنا ہوگا، سوشل میڈیا، یوٹیوبرز ایک ساتھ قافلوں کی ویڈیوز شیئر کر تے رہیں
انہوں نے کہا کہ ہر شخص کو گرفتاری سے بچانے کے لیے حکمت عملی طے کرنا ہوگی، اگر کوئی گرفتار ہوا تو قافلے کی قیادت متبادل رہنما کرے، بعد میں یہ نہیں سنا جائے گا کہ گرفتار ہوا، شیلنگ کی گئی۔
بشریٰ بی بی نے کہا کہ بانی پی ٹی آئی نے کہا ہے کہ تمام عہدیدار گاڑیوں کے اندر کی تصاویر اور ویڈیوز لیں۔