ایم کیو ایم پاکستان کا ہتک عزت بل پر تحفظات کا اظہا ر

54

ایم کیو ایم پاکستان نے کہا ہے کہ پنجاب اسمبلی میں منظور ہونے والے ہتک عزت بل پر متعلقہ اداروں کو اعتماد میں نہ لینے سے بداعتمادی اور تحفظات نے جنم لیا ہے۔ایم کیو ایم پاکستان کا مزید کہنا تھا کہ وہ ایسے قانون کے ساتھ کبھی نہیں کھڑی ہوگی جو اشرافیہ کو تحفظ فراہم کرتا ہو اور کمزوروں کے گریبان تک آجاتا ہو۔اس حوالے سے پارٹی چیئرمین خالد مقبول صدیقی نے ملاقات کے لیے آئے ہوئے مختلف صحافتی تنظیموں کے عہدیداروں کو جائز مطالبات کی حمایت کا یقین دلایا۔