اردو ورلڈ کینیڈا ( ویب نیوز)فاسٹ بائولر محمد عامر کا کہنا ہے کہ مکی آرتھر قومی ٹیم کے ہیڈ کوچ کے طور پر آتے ہیں تو یہ پاکستان کرکٹ کے لیے بہت اچھا ہوگا۔ ان کی کوچنگ میں ٹیم نے اچھی کارکردگی دکھائی ہے۔ پھر بھی کارکردگی یقینی طور پر بہتر ہوگی۔ مجھے یقین ہے کہ نجم سیٹھی کی قیادت میں پاکستان کرکٹ درست سمت میں آگے بڑھے گی۔

نیشنل ہائی پرفارمنس سینٹر میں میڈیا سے بات کرتے ہوئے بائیں ہاتھ کے پیسر نے واضح کیا کہ بنگلہ دیش اور پاکستان سپر لیگ میں پرفارمنس کے بعد دیکھنا باقی ہے کہ قومی ٹیم کو میری ضرورت ہے یا نہیں۔ میں لیگ کرکٹ کھیل رہا ہوں۔ موجودہ بورڈ انتظامیہ کا کام ہے کہ وہ فیصلہ کرے کہ وہ کس کھلاڑی کو ٹیم کی ضرورت سمجھتے ہیں ۔ اللہ نے موقع دیا تو قومی ٹیم میں دوبارہ کھیلوں گا۔
انہوں نے کہا کہ چیئرمین شپ سے ہٹائے جانے کے بعد رمیز راجہ جس قسم کی باتیں کر رہے ہیں وہ انہیں زیب نہیں دیتی۔ میں سمجھتا تھا کہ رمیز راجہ پڑھے لکھے آدمی ہیں، مجھے ان سے کسی پر الزام لگانے کی امید نہیں تھی۔

کام کا بوجھ کم نہ کرنے کی وجہ سے فاسٹ باؤلرز کی انجریز پر بات کرتے ہوئے محمد عامر کا کہنا تھا کہ فاسٹ باؤلر کو آرام دینا بہت ضروری ہے۔