اردوورلڈ کینیڈا( ویب نیوز)وفاقی وزیر اطلاعات و نشریات عطاء تارڑ نے کہا ہے کہ مراد سعید احتجاج میں شریک تھے اب وزیر اعلیٰ ہائوس میں چھپے ہیں
اسلام آباد میں میڈیا سے گفتگو کرتے ہوئے عطاء تارڑ کا کہنا تھا کہ پی ٹی آئی نے اپنی ناکامی چھپانے کے لیے جھوٹی کہانیاں بنائیں۔
انہوں نے کہا کہ خفیہ اطلاعات تھیں کہ حتمی کال کی آڑ میں قتل عام کیا جائے گا، تحریک انصاف کے احتجاج میں 37 افغان شہری تھے، اسلام آباد ہائی کورٹ کی اجازت کے بغیر احتجاج غیر قانونی ہے۔ .
وفاقی وزیر اطلاعات و نشریات نے کہا کہ پوری دنیا میں احتجاج ہو رہا ہے، کہیں اے کے 47 دیکھی ہے؟ وہ جدید اسلحہ اور گولیاں بھی لے کر آئے، ان کا مقصد لاشیں گرانا اور امن و امان کو خراب کرنا تھا، خیبرپختونخوا کے عوام باہر نہیں نکلے، ملزمان کو انصاف کے کٹہرے میں لایا جائے گا۔
عطا تارڑ نے کہا کہ خیبرپختونخوا کے عوام انتشار کی سیاست نہیں چاہتے
اپنی گفتگو کے دوران انہوں نے دعویٰ کیا کہ مراد سعید وزیراعلیٰ ہاؤس خیبرپختونخوا میں روپوش ہیں، مراد سعید احتجاج میں شریک تھے، ان کے ساتھ تربیت یافتہ ٹیمیں تھیں، گرفتاری کے لیے وزیراعلیٰ ہاؤس پر چھاپہ مارنا ٹھیک نہیں۔
