209
اردو ورلڈ کینیڈا ( ویب نیوز ) بھارت میں ہندو انتہا پسندوں نے گائے کے تحفظ کے نام پر ایک اور مسلمان نوجوان کو قتل کردیا۔
2 مسلمان نوجوان ریاست مہاراشٹر کے شہر ناسک سے اپنی گاڑی میں ممبئی آرہے تھے کہ ہندو انتہا پسند تنظیموں کے غنڈوں نے انہیں اغوا کر کے غیر انسانی تشدد کا نشانہ بنایا۔
یہ بھی پڑھیں
بھارت ہندوتوا کے جنونیوں نے مدرسے کو آگ لگا دی
ہجوم نے دو مسلم نوجوانوں کو لوہے کی سلاخوں اور لاٹھیوں سے بری طرح پیٹا اور ان پر گائے کا گوشت لے جانے کا الزام لگایا۔ہندو انتہا پسندوں کے وحشیانہ تشدد سے ایک نوجوان عفان موقع پر ہی جاں بحق ہو گیا جبکہ دوسرا نوجوان ناصر شیخ شدید زخمی ہو گیا جسے ہسپتال منتقل کر دیا گیا۔
مزید پڑھیں
بھارت میں حلال گوشت پر پابندی کا فیصلہ
ہسپتال ذرائع کا کہنا ہے کہ ناصر کی حالت تشویشناک ہے۔ پولیس نے تشدد اور قتل میں ملوث کسی کو گرفتار نہیں کیا۔
