اردو ورلڈ کینیڈا (ویب نیوز) پاکستان پیپلز پارٹی کے رہنما مصطفی نواز کھوکھر نے سینیٹر کی حیثیت سے استعفی دینے کا اعلان کر دیا۔

ٹوئٹر پر جاری بیان میں مصطفی نواز کھوکھر نے کہا کہ وہ کل اپنا استعفی چیئرمین سینیٹ کو پیش کریں گے۔

مصطفی نواز کھوکھر نے کہا کہ آج پارٹی کے سینئر رہنما سے ملاقات کی، انہوں نے بتایا کہ پارٹی قیادت میرے سیاسی موقف سے خوش نہیں اور میرا سینیٹ کی نشست سے استعفی چاہتی ہے، اس لیے میں نے بخوشی سینیٹ سے استعفی دینے پر رضامندی ظاہر کی۔
مصطفی نواز کھوکھر نے مزید کہا کہ ایک سیاسی کارکن کی حیثیت سے مفاد عامہ کے معاملات پر اپنی رائے کا اظہار کرتے ہوئے خوشی محسوس کرتا ہوں، مجھے سندھ سے سینیٹ کی نشست دلانے پر پارٹی قیادت کا مشکور ہوں۔
ذرائع کا کہنا ہے کہ فاروق ایچ نائیک نے مصطفی نواز کھوکھر کو پارٹی قیادت کا پیغام پہنچایا۔