ishtiaq ahmed 
اردو ورلڈ کینیڈا ( ویب نیوز ) تحریک انصاف کے چیئرمین عمران خان کے کنٹینر پر اپنے خودکار ہتھیار سے گولی چلانے والے مبینہ حملہ آور کا کہنا ہے کہ اس کا واحد ہدف سابق وزیراعظم تھے۔
اپنے ابتدائی بیان میں مبینہ حملہ آور کا کہنا تھا کہ اس نے اچانک عمران خان کو قتل کرنے کا فیصلہ کیا کیونکہ وہ لوگوں کو گمراہ کر رہے تھے۔
حملہ آور نے یہ بھی کہا کہ اس کے اس فعل کے پیچھے کسی کا ہاتھ نہیں، اس نے مزید کہا کہ اس نے یہ کام اکیلے کیا ہے۔
حملہ آور کا کہنا تھا کہ جب لانگ مارچ لاہور سے چلا تو میں نے یہ فیصلہ کرلیا تھا
یاد رہے کہ پی ٹی آئی کے چیئرمین کے لانگ مارچ پر فائرنگ کی گئی تھی عمران خان ہسپتال میں ہیں اور وہ شدید زخمی ہیں
قافلے میں شامل متعدد افراد زخمی ہوئے اور وزیر اطلاعات نے کہا کہ ایک مشتبہ شخص کو گرفتار کر لیا گیا ہے۔ پارٹی کے ایک رکن نے کہا کہ ایک شخص کے مارے جانے کی اطلاعات ہیں۔
