223
اردو ورلڈ کینیڈا ( ویب نیوز )نیب راولپنڈی نے نیشنل کرائم ایجنسی 190 ملین پاؤنڈ سکینڈل میں پی ٹی آئی چیئرمین اور ان کی اہلیہ کو آج طلب کر لیا۔
نیب نے 190 ملین پاؤنڈز سکینڈل میں چیئرمین پی ٹی آئی کو آج صبح 11 بجے نیب راولپنڈی آفس طلب کر لیا ہے۔
چیئرمین پی ٹی آئی کو نیب کے سوالنامے میں تمام سوالات کے جوابات کے ساتھ کمبائنڈ انویسٹی گیشن ٹیم کے سامنے پیش ہونے کی ہدایت کی گئی ہے، نیب نے ان کے جواب کو غیر تسلی بخش قرار دیتے ہوئے دوبارہ پیشی کا نوٹس جاری کیا تھا۔
نیب نے چیئرمین پی ٹی آئی کی اہلیہ کو بھی نیشنل کرائم ایجنسی 190 ملین پاؤنڈز سکینڈل میں آج طلب کر لیا ہے۔
نیب نے سابق خاتون اول کو بطور گواہ نوٹس جاری کردیا، نیب نے عدالت کو بتایا کہ چیئرمین پی ٹی آئی کی اہلیہ کو گرفتار نہ کیا جائے۔
سابق خاتون اول سے القادر ٹرسٹ کی دستاویزات کی رجسٹریشن اور ایچ ای سی میں رجسٹریشن سمیت موصول ہونے والے عطیات کی تفصیلات بھی طلب کی گئی ہیں۔
