اردو ورلڈ کینیڈا ( ویب نیوز )انسداد دہشت گردی کی عدالت نے نقیب اللہ محسود قتل کیس میں را ئوانوار سمیت تمام ملزمان کو بری کر دیا۔
انسداد دہشت گردی کمیشن نے اپنے فیصلے میں کہا کہ استغاثہ ملزمان کے خلاف الزامات ثابت کرنے میں ناکام رہا ہے۔

عدالت نے را ئوانواز سمیت تمام ملزمان کو بری کر دیا، ڈی ایس پی قمر احمد، امان اللہ مروت سمیت دیگر کو بری کر دیا گیا۔

یاد رہے کہ کراچی میں مقیم جنوبی وزیرستان سے تعلق رکھنے والے نقیب اللہ محسود کے قتل نے سوشل میڈیا پر عوامی غم و غصے کو جنم دیا تھااور سابق ایس ایس پی اور ان کی ٹیم کی گرفتاری میں ریاست کی ناکامی کے خلاف سول سوسائٹی کی جانب سے ملک گیر احتجاج بھی کیا گیا تھارائو انوار پر اپنے دو درجن کے قریب ماتحتوں کے ساتھ نقیب اور تین دیگر کو 13 جنوری 2018 کو ایک جعلی مقابلے میں "اسلامک اسٹیٹ اور طالبان” سے منسلک عسکریت پسند بتانے کے بعد قتل کرنے کا الزام عائد کیا گیا تھامارچ 2019 میں عدالت نے انوار اور اس کے 17 ماتحتوں پر کراچی کے مضافات میں چار افراد کے قتل پر فرد جرم عائد کی تھی۔گزشتہ سال نومبر میں سابق ایس ایس پی نے اپنا بیان ریکارڈ کرایا تھا جس میں الزام لگایا گیا تھا کہ انہیں ‘محکمانہ دشمنی’ کی وجہ سے اس مقدمے میں پھنسایا گیا تھا لیکن وہ پولیس کے کسی افسر کا نام لینے میں ناکام رہے تھے۔مقدمے کی سماعت کے دوران عدالت نے 51 گواہوں کی شہادتیں ریکارڈ کیں جن میں میڈیکو لیگل، فرانزک اور بیلسٹکس کے ماہرین گواہ اور پولیس اہلکار شامل تھے جنہیں استغاثہ نے پیش کیا تھا۔اتوار کو مقتول کے اہل خانہ اور سول سوسائٹی کے نمائندے کراچی پریس کلب کے سامنے جمع ہوئے تھے اور عدالتی فیصلے سے قبل سابق ایس ایس پی انوار اور ان کی ٹیم کو سخت سزا دینے کا مطالبہ کیا تھا تاہم اب ناکافی ثبوتوں کے باعث تمام ملزمان کو بری کردیا گیا۔نقیب کے بھائی شیر عالم، وکیل اور حقوق کارکن جبران ناصر جو نقیب کے قانونی ورثا کی نمائندگی کر رہے ہیں پی ٹی آئی کے ایم این اے سیف الرحمان اور دیگر نے اس احتجاج میں شرکت کی جس میں متنازع ایس ایس پی اور ان کی ٹیم کے ارکان کے جعلی مقابلوں میں ملوث ہونے کا مطالبہ کیا گیا۔
سابق ایس پی پی تقریبا تین ماہ تک قانون نافذ کرنے والے اداروں سے بچنے کے بعد بالآخر مارچ 2018 میں سپریم کورٹ کے سامنے ہتھیار ڈالنے کے بعد گرفتار ہوئے ۔اس کے بعد سندھ پولیس نے انہیں ملیر چھا ئونی کے ایک گھر میں رکھا، جسے بعد میں سب جیل قرار دے دیا گیا۔
ہائی پروفائل ٹرائل کو خاص طور پر 11 مارچ 2022 کے بعد سے غیر معمولی تاخیر کا سامنا کرنا پڑا، جب مقدمہ چار سال بعد ملزم پولیس اہلکاروں کی شہادتیں ریکارڈ کرنے کے اہم مرحلے پر پہنچا۔
چار سال سے زائد عرصے کے بعد آخر کار ATC-XVI جج نے گزشتہ سال 5 نومبر کو انوار کی گواہی کو ریکارڈ کیا سابق ایس ایس پی نے گواہی دی تھی کہ وہ واقعہ کے وقت وقوعہ کی جگہ پر موجود نہیں تھا اور نہ ہی 4 سے 6 جنوری 2018 کے درمیان نئی سبزی منڈی کا دورہ کیا تھا”