اردوورلڈ کینیڈا( ویب نیوز)وزیراعلیٰ خیبرپختونخوا علی امین گنڈا پور نے کہا ہے کہ قومیں اتفاق اور اتحاد کی بنیاد پر آگے بڑھتی ہیں۔پشاور میں یوم آزادی کی تقریب سے خطاب کرتے ہوئے وزیراعلیٰ خیبرپختونخوا علی امین گنڈا پور کا کہنا تھا کہ پورے پاکستان کو یوم آزادی کی مبارکباد دیتا ہوں، علامہ اقبال نے پاکستان کے وجود کا خواب دیکھا، ہمارے اسلاف نے قربانیاں دیں۔
انہوں نے کہا کہ قومیں اتفاق و اتحاد کی بنیاد پر آگے بڑھتی ہیں۔ خاص کر نوجوانوں سے بہت امیدیں ہیں، آپ کو ملک کو آگے لے کر جانا ہے۔
علی امین گنڈاپور نے کہا کہ ہمیں عوام کو بہترین سہولیات فراہم کرنے کے لیے اپنی ذمہ داری پوری کرنی ہوگی، نوجوانوں کو پیغام ہے کہ ایمانداری سے کام کریں، معاشرے میں فراڈ اور چوری کا بہت چرچا ہے، اگر ہر فرد اپنا فرض ادا کرے تومسائل ختم ہوں گےوزیراعلیٰ خیبرپختونخوا کا مزید کہنا تھا کہ ہم عظیم قوم ہیں، ہمیں متحد ہو کر اپنا کردار ادا کرنا ہے اور مل کر پاکستان کو عظیم ملک بنانا ہے۔
51
