اردو رلڈ کینیڈا ( ویب نیوز )عمران خان کی گرفتاری کے بعد ملک بھر میں تحریک انصاف کے کارکنوں نے احتجاج شروع کردیا ہے ملک گیرمظاہرے شروع ہوگئے ہیں اور مظاہرین حکومت اور اداروں کےخلاف نعرے بازی کررہے ہیں ،ملک کی موجودہ صورتحال کے پیش نظر بڑے شہروں میں دفعہ 144نافذ کر دی گئی اور کئی شہروں میں انٹر نیٹ سروس بند ہے

صورتحال کو دیکھتے کہا جاتا سکتا ہے کہ اب حالات شاید عزیز ہم وطنو کی طرف جارہے ہیں اور اگر یہی صورتحال برقرار رہی تو ایمر جنسی کی طرف سے بھی جایا جاسکتا ہے

اداروں اور حکومت وقت پر بھاری ذمہ داری عائد ہوتی ہے کہ صورتحال کو کنٹرول کرنے کیلئے اقدامات کریں بصورت  دیگر حالات کوئی بھی رخ اختیار کرسکتے ہیں

ادھر ہائیکورٹ نے بھی کہا ہے کہ دیکھنا ہے کہ گرفتاری قانونی ہے یا غیر قانونی چیف جسٹس ہائیکورٹ نے برہمی کا اظہار کرتے ہوئے کہا کہ گرفتاری کیلئے توپ چلا دی جائے ایسا نہیں ہوتا

پرائیویٹ سکولز ایسوسی ایشن نے بھی پنجاب میںصورتحال کے مدنظر سکول بند رکھنے کا اعلان کیا ہے

سیاستدانوں کی گرفتاریاں ہر دور میں ہوتی رہی ہیں تاہم عمران خان کی گرفتاری کو لیکرملک میں ایک بھونچال سا  آیا ہوا ہے اس میں کچھ حکومت وقت بھی ذمہ  دار ہے کیونکہ حکومتی وزراء کے بیانات نے جلتی پر تیل کا کام کیا ہے جبکہ پی ٹی آئی کے کارکنوں نےحساس ادارو ںکے دفاتر پر حملے کیے جو کسی صورت بھی درست عمل نہیں کہا جاسکتا موجودہ صورتحال کے پیش نظراداروں سیاسی جماعتوں کو دانشمندی کا مظاہر ہ کرنا چاہیے ورنہ وہ وقت دور نہیں جب ۔عزیز ہم وطنو کہہ دیا جائے ۔