ارد وورلڈ کینیڈا ( ویب نیوز )مسلم لیگ ن کے قائد نواز شریف نے سابق چیف جسٹس ثاقب نثار کے خلاف قانونی کارروائی اور جیل بھیجنے کا مطالبہ کیا ہے۔

لندن میں صحافیوں سے مختصر گفتگو میں نواز شریف نے کہا کہ ٹکٹ فروخت کرنے پر ثاقب نثار کے خلاف قانونی کارروائی کی جائے کیونکہ انہوں نے قانون کی خلاف ورزی کی ہے۔

عوام کے مسائل کے حل اور مہنگائی میں کمی کے لیے فوری اقدامات کرنا ہوں گے،نواز شریف

نواز شریف نے کہا کہ آئین اور قانون کی خلاف ورزی کرنے والے جیل جاتے ہیں، اس لیے ثاقب نثار کو بھی جیل جانا چاہیے۔
مسلم لیگ (ن) کے رہنما کا مزید کہنا تھا کہ ثاقب نثار نے عہدے پر رہتے ہوئے بہت ظلم کیا۔
واضح رہے کہ سابق چیف جسٹس ثاقب نثار کے صاحبزادے کی مبینہ آڈیو سامنے آئی تھی جس میں وہ پی ٹی آئی کے ٹکٹ پر بات کر رہے تھے جب کہ اس سے قبل پی ٹی آئی کے وکیل کے ساتھ ثاقب نثار کی آڈیو سامنے آئی تھی۔ جس میں وہ الیکشن کیس کے حوالے سے قانونی معاونت فراہم کرتے ہوئے کئی کیسز کا حوالہ دے رہے تھے۔