ishtiaq ahmed 
129
اردوورلڈ کینیڈا ( ویب نیوز )پاکستان مسلم لیگ (ن) کے قائد اور سابق وزیراعظم نواز شریف کی واپسی کا ٹکٹ بک کر لیا گیا ہے۔
ذرائع کے مطابق نواز شریف 21 اکتوبر کو لندن سے ابوظہبی انٹرنیشنل ایئرپورٹ پر لینڈ کریں گے، اسی روز مسلم لیگ ن کے قائد ابوظہبی سے لاہور کے لیے روانہ ہوں گے۔
پارٹی ذرائع کے مطابق نجی پرواز ای وائی 243 شام 4 بجکر 25 منٹ پر علامہ اقبال انٹرنیشنل ایئرپورٹ پر لینڈ کرے گی۔ میاں نواز شریف کی نجی پرواز کی بزنس کلاس میں بکنگ کرائی گئی۔ ان کے ہمراہ ذاتی مشیر بھی ہوں گے۔
ذرائع کا مزید کہنا ہے کہ نواز شریف کے ہمراہ محمد وقار، ڈاکٹر عدنان، میاں ناصر جنجوعہ، سینیٹر عرفان صدیقی بھی سابق وزیراعظم کے ہمراہ ہوں گے، کئی لیگی رہنما اور سابق پارلیمنٹیرینز نے بھی ابوظہبی سے اسی پرواز میں نشستیں بک کروائی ہیں ۔
