میاں نواز شریف دبئی میں سابق وزیر خزانہ اسحاق ڈار کے صاحبزادے علی ڈار کے گھر پہنچ گئے۔ سابق وزیراعظم کے صاحبزادے حسین نواز بھی ان کے ہمراہ موجود ہیں۔ لیگی رہنما کل دوپہر اسلام آباد پہنچیں گے اور وہاں سے لاہور روانہ ہوں گے۔
سابق وزیراعظم میاں نواز شریف مینار پاکستان پہنچ کر جلسہ عام سے خطاب کریں گے۔ مسلم لیگ (ن) کے قائد نواز شریف کی آمد کے پیش نظر جاتی امرا میں استقبال کی تیاریاں مکمل کر لی گئی ہیں، خصوصی سجاوٹ کی گئی ہے

واضح رہے کہ مسلم لیگ (ن) کے قائد کی وطن واپسی کی راہ ہموار ہوگئی، اسلام آباد ہائی کورٹ نے ایون فیلڈ اور العزیزیہ ریفرنسز میں نواز شریف کی حفاظتی ضمانت منظور کرتے ہوئے انہیں گرفتار کرنے سے روک دیا۔