اردو ورلڈ کینیڈا ( ویب نیوز )پی ٹی آئی کے رہنما اسد عمر نے ہفتہ کو کہا کہ پاکستان مسلم لیگ ن کے قائد نواز شریف بھی موجودہ حکومت اور وزیر خزانہ مفتاح اسماعیل کی نااہلی کی گواہی دے رہے ہیں۔
کراچی میں میڈیا سے گفتگو کرتے ہوئے پی ٹی آئی کے جنرل سیکریٹری نے مزید کہا کہ وفاقی حکومت نااہل ہے۔ انہوں نے کہا کہ ‘چار ماہ سے زائد کا عرصہ گزر گیا، موجودہ حکومت آئی ایم ایف کے ساتھ ڈیل کو حتمی شکل نہیں دے سکی’۔
اسد عمر نے افسوس کا اظہار کیا کہ مفتاح اسماعیل نے مدد کی پیشکش کے بعد بھی خیبر پختونخوا کے وزیر خزانہ تیمور جھگڑا سے ملاقات نہیں کی۔
ان کا مزید کہنا تھا کہ حکومت اپنی ناکامی کا الزام کے پی کے پر نہ ڈالے۔ انہوں نے حکومت کو تنبیہ بھی کی کہ وہ جھگڑا پر دبا ئو نہ ڈالے۔
اسد نے مزید کہا کہ موجودہ حکومت یہ سوچنے میں غلطی پر ہے کہ وہ طاقت کا استعمال کرکے ملک چلا سکتی ہے۔ انہوں نے کہا کہ حکومت پی ٹی آئی حکومت کو ہٹانے کے بعد جو دعوی کرتی تھی اس میں ناکام ہو چکی ہے۔ انہوں نے مزید کہا کہ ملک میں جو کچھ ہو رہا ہے وہ حکومت کی نااہلی کی وجہ سے ہے
اسد عمرنے کہا کہ مفتاح پی ٹی آئی پر آئی ایم ایف کے معاہدے میں رکاوٹ بننے کا الزام لگا رہے ہیں لیکن ہم نے ملک کو بہتر حالت میں چھوڑا، ملک ترقی کر رہا تھا۔
پاکستان میں سیلاب کے حوالے سے بات کرتے ہوئے ان کا کہنا تھا کہ سابق وزیراعظم عمران خان نے پارٹی کو سیلاب سے متاثرہ علاقوں میں مدد فراہم کر نے کا کہا ہے، جب کہ ان کا کہنا تھا کہ دنیا بھر سے پیغامات موصول ہوئے ہیں کہ عمران خان کو فنڈ ریزنگ کرنا چاہیے۔
