انوار الحق کاکڑ نے کہا کہ نگراں حکومت آئین اور قانون کے دائرے میں رہ کر اپنا کام کر رہی ہے، ہم یہ تاثر نہیں دینا چاہتے کہ ہم کسی سیاسی قیادت کے خلاف ہیں، 9 مئی کا معاملہ عدالت میں ہے، یہ حملہ منصوبہ بندی کے مطابق 9 مئی کو کیا گیا۔
نگراں وزیراعظم نے کہا کہ اگر مجھ سمیت کوئی 9 مئی کے واقعات میں ملوث ہے تو انہیں سزا ملنی چاہیے۔ انتشار پھیلانے کے لیے یہ نہیں ہو سکتا کہ 9 مئی کے واقعات کو بنیاد بنا کر کسی کے ساتھ زیادتی کی جائے۔
انہوں نے کہا کہ آج آکسفورڈ یونیورسٹی کے طلباء سے بات چیت ہوئی، میرے دورہ لندن کو سیاسی رنگ نہ دیا جائے، لندن میں کسی سیاسی رہنما سے ملاقات نہیں ہوئی، ہمارے پاس ڈسکوز کی نجکاری کا مکمل پلان ہے۔
نگراں وزیراعظم نے کہا کہ مجھے کوئی خفیہ علم نہیں کہ الیکشن کس کے ساتھ اور کس کے بغیر ہوں گے، میرے آدھے جملے لیڈ سٹوری کے طور پر پیش کیے جاتے ہیں۔
انوار الحق کاکڑ نے کہا کہ قانون چیئرمین پی ٹی آئی کو الیکشن میں حصہ لینے کی اجازت دیتا ہے تو حصہ لیں گے، نگراں حکومت کا کوئی ایشو نہیں۔
انہوں نے کہا کہ ناقص انجکشن کی فروخت میں ملوث تمام ملزمان کو گرفتار کیا جائے گا
نگراں وزیراعظم نے کہا کہ مجھے پوری امید ہے کہ سرمایہ کار پاکستان میں سرمایہ کاری کرنا چاہتے ہیں، انشاء اللہ اس حوالے سے مزید اچھی خبریں آئیں گی۔
انوار الحق کاکڑ نے کہا کہ ہم پر آئی ایم ایف کا کوئی دباؤ نہیں، آئی ایم ایف نے نجکاری کے لیے ہم پر کوئی دباؤ نہیں ڈالا، نجکاری ہمارے معاشی بحالی پروگرام کا حصہ ہے، ڈیفالٹ سے بچنا ہے۔ خسارے میں چلنے والے اداروں کی نجکاری کریں گے۔