اردوورلڈ کینیڈا ( ویب نیوز )سابق وزیراعظم اور پاکستان مسلم لیگ (ن) کے صدر شہباز شریف نے مسلم لیگ (ن) کے قائد محمد نواز شریف کی وطن واپسی کے حوالے سے اہم اعلان کر دیا۔

سابق وزیراعظم شہباز شریف نے کہا کہ پاکستان کے معمار اور قائد عوام محمد نواز شریف 21 اکتوبر کو وطن واپس آئیں گے۔
شہباز شریف نے کہا کہ محسن عوام محمد نواز شریف کا وطن واپسی پر پرتپاک استقبال کیا جائے گا۔ ذرائع کے مطابق نواز شریف آئندہ ماہ 21 اکتوبر بروز ہفتہ لاہور پہنچیں گے۔
اس سے قبل لندن میں حسن نواز کے دفتر میں مسلم لیگ ن کا اہم اجلاس ہوا، اجلاس میں سابق وزیراعظم شہباز شریف، سابق وزیر دفاع خواجہ آصف، ملک احمد خان نے شرکت کی۔
ملاقات میں نواز شریف کی پاکستان واپسی پر قانونی رکاوٹوں اور الیکشن کے علاوہ دیگر اہم امور پر مشاورت کی گئی۔
واضح رہے کہ نواز شریف 19 نومبر 2019 کو علاج کے لیے لندن گئے تھے، نواز شریف کے پلیٹ لیٹس خطرناک حد تک گر گئے تھے۔