اردوورلڈ کینیڈا( ویب نیوز) نواز شریف برطانیہ کا دورہ مکمل کرنے کے بعد آج پاکستان واپس آئیں گے۔

نواز شریف دو ہفتے تک برطانیہ میں رہے جس کے دوران نواز شریف کا چیک اپ جاری رہا،لندن میں اپنے اعزاز میں ظہرانے سے خطاب کرتے ہوئے مسلم لیگ ن کے صدر نواز شریف نے کہا کہ میرے اور شہباز شریف میں کوئی فرق نہیں، ہم ایک ہیں۔

حکومت پاکستان بہترین کام کر رہی ہے،انہوں نے کہا کہ ایران کے خلاف جارحیت ہو رہی ہے، ایران کے ساتھ ہمارے تعلقات مذہبی اور ثقافتی ہیں اور ایران کے معاملے پر پاکستانی حکومت کا موقف سچائی پر مبنی ہے۔

نواز شریف نے مزید کہا کہ پاکستان نے بھارتی جارحیت کے خلاف اپنا دفاع کیا، ہماری فوجی صلاحیت دفاع کے لیے ہے، مسلم لیگ ن کے بیرون ملک مقیم کارکن ہمارا اثاثہ ہیں، موجودہ حالات میں سب کو مل کر کام کرنا چاہیے۔