بدھ کو الیکشن کمیشن کی جانب سے جاری بیان کے مطابق چیف الیکشن کمشنر سکندر سلطان راجہ سے نگران وزیر اعلی کے پی کے نے الیکشن کمیشن سیکرٹریٹ اسلام آباد میں ملاقات کی۔نگران وزیرِ اعلی چیف الیکشن کمشنر کو صوبے میں انتخابات کی تیاریوں پر بریفنگ دی اور یقین دہانی کرائی کہ خیبر پختونخوا کی صوبائی حکومت الیکشن کمیشن کے ساتھ مل کر صوبے میں آزادانہ، منصفانہ اور غیر جانبدارانہ انتخابات کا انعقاد یقینی بنائیگی۔
چیف الیکشن کمشنر نے نگران وزیرِ اعلی کو عہدہ سنبھالنے پر مبارک باد دی اور کہا کہ صوبہ خیبر پختونخوا میں موجودہ سکیورٹی کی صورتِ حال کو مدنظر رکھتے ہوئے عام انتخابات کے پر امن انعقاد کے لیے ضروری اقدامات کیے جائیں جس میں ووٹرز کے تحفظ کو اولین فوقیت دی جائے۔ سکندرسلطان راجہ نے نگران وزیرِ اعلی کو بتایا کہ خیبر پختونخوا میں انتخابات کی تیاریوں کا جائزہ لینے کے لیے جلد ہی الیکشن کمیشن صوبے کا دورہ کرے گا جس میں تمام تیاریوں کو بغور دیکھا جائیگا