اردوورلڈ کینیڈا( ویب نیوز)خیبر پختونخوا کے مشیر اطلاعات بیرسٹر ڈاکٹر سیف نے کہا ہے کہ آئینی ترامیم پر جعلی حکومت سے مذاکرات 8 فروری 2024 کے انتخابات کو تسلیم کرنے کے مترادف ہے۔
اپنے ایک بیان میں بیرسٹر سیف نے کہا کہ آئینی ترامیم پر جعلی حکومت سے مذاکرات دھاندلی زدہ الیکشن کو جائز قرار دینے کے لیے ہیں۔
انہوں نے کہا کہ اپوزیشن کا موقف رہا ہے کہ فارم 47 پر بننے والی حکومت غیر منتخب ہے، مذاکرات غیرمنتخب، ناجائز اور غیر قانونی حکومت کو جائز قرار دینے کی کوشش ہے۔
صوبائی مشیر اطلاعات نے کہا کہ موجودہ پارلیمنٹ نامکمل اور غیر آئینی ہے، پارلیمنٹ کو قانون سازی اور آئین میں ترمیم کا حق کیسے حاصل نہیں ہوسکتا۔