اردو ورلڈ کینیڈا ( ویب نیوز )پاکستان تحریک انصاف (پی ٹی آئی) کے چیئرمین اور سابق وزیراعظم عمران خان سے پاکستان میں تعینات آسٹریلوی ہائی کمشنر نیل ہاکنگز نے ملاقات کی جس میں پاک آسٹریلیا تعلقات، دو طرفہ امور اور باہمی دلچسپی کے امور پر تبادلہ خیال کیا گیا۔

پاکستان میں آسٹریلیا کے ہائی کمشنر نیل ہاکنگز نے چیئرمین پاکستان تحریک انصاف سے ان کی رہائش گاہ زمان پارک میں ملاقات کی اور ملاقات کے دوران جمہوریت کے فروغ اور استحکام اور حکمرانی کے حوالے سے تحریک انصاف کے فلسفے اور منشور پر تفصیلی تبادلہ خیال کیا۔

ملاقات میں انسانی حقوق کے بین الاقوامی چارٹر، بنیادی حقوق کی صورتحال بالخصوص پاکستان میں خواتین اور سیاسی کارکنوں کے حقوق پر بھی تبادلہ خیال کیا گیا۔

ملاقات میں پاکستان میں جمہوریت کے معیار، معاشی چیلنجز تجارت، سیاحت اور سرمایہ کاری جیسے مسائل پر بھی تفصیلی تبادلہ خیال کیا گیا۔

یاد رہے کہ عمران خان سے ملاقات سے قبل آسٹریلوی ہائی کمشنر نے مسلم لیگ (ن) کی سینئر نائب صدر مریم نواز سے بھی ملاقات کی جس میں باہمی دلچسپی کے امور پر تبادلہ خیال کیا گیا۔