تمام یرغمالیوں کی رہائی اور حماس کے خاتمے تک لڑائی جاری رہے گی۔نیتن یاہو نے مزید کہا کہ ہم نے معاہدے تک پہنچنے کے لیے مذاکرات کے کئی دور کیے لیکن اب موساد کے مذاکرات کاروں کو قطر سے واپس بلا لیا گیا ہے۔قبل ازیں حماس نے اعلان کیا تھا کہ غزہ میں جنگ کے خاتمے تک اسرائیل کے ساتھ مزید قیدیوں کا تبادلہ نہیں کیا جائے گا۔حماس کے نائب سربراہ صالح العاروری نے الجزیرہ کو بتایا کہ اسرائیلی یرغمالیوں میں اب ان کے پاس خواتین اور بچے نہیں ہیں بلکہ صرف فوجی یا عام شہری ہی ہیں۔انہوں نے کہا کہ ہم اپنے شہداء کے بدلے میں ہلاک ہونے والے اسرائیلیوں کی لاشوں کا تبادلہ کرنے کے لیے تیار ہیں لیکن ہمیں ان لاشوں کو نکالنے کے لیے وقت درکار ہوگا۔