اردو ورلڈ کینیڈا ( ویب نیوز ) واٹس ایپ نے گروپ چیٹس کے لیے ایک نیا فیچر متعارف کرایا ہے۔
واٹس ایپ گروپ چیٹس میں اب فون نمبرز کے بجائے صارفین کے نام ظاہر ہوں گے۔اس سے قبل واٹس ایپ گروپس میں جو لوگ صارف کی رابطہ فہرست میں شامل نہیں تھے، ان کا فون نمبر دکھایا جاتا تھا۔
یہ بھی پڑھیں
واٹس ایپ کا آئی فون کے لیے ‘پکچر ان پکچر فیچر متعارف
اس حوالے سے یہ ایک نئی اپ ڈیٹ ہے، اس سے قبل دسمبر 2022 میں واٹس ایپ گروپس میں پیغامات بھیجتے وقت صارفین کی پروفائل فوٹو دکھانے کا فیچر متعارف کرایا گیا تھا۔نمبر کو نام سے تبدیل کرنے سے صارفین کو گروپ چیٹ میں پیغام بھیجنے والے کی شناخت میں مدد ملے گی۔یہ نیا فیچر ان بڑے گروپس میں زیادہ مددگار ثابت ہوگا جہاں بہت سے لوگوں کی موجودگی کی وجہ سے لوگوں کے لیے ایک دوسرے کو پہچاننا مشکل ہے۔
مزید پڑھیں ٹیکنالوجی
واٹس ایپ میں سکیورٹی کے سنگین مسئلے کا انکشاف
یہ فیچر گروپ چیٹ لسٹ پر بھی لاگو ہوگا اور اب نمبروں کے بجائے گروپ ممبران کے نام دکھائے گا۔خیال رہے کہ واٹس ایپ میں نام بنیادی طور پر ایسے صارف نام ہوتے ہیں جو صارف خود لکھتے ہیں۔اگر کسی صارف نے نام کے بجائے صارف نام میں اپنا نمبر لکھا ہے تو اس نئے فیچر میں نام آپ کے سامنے نظر نہیں آئے گا۔واضح رہے کہ یہ نیا فیچر صرف گروپس میں لوگوں کے نام دکھائے گا، یہ پرائیویٹ چیٹس میں کام نہیں کرے گا۔
یہ خبر بھی پڑھیں
واٹس ایپ کے اینڈرائیڈ صارفین کیلئے 4 نئے فیچر متعارف
