اردوورلڈکینیڈا( ویب نیوز)ایڈمنٹن کے دریائی کنارے کے علاوہ، کوئین الزبتھ پارک میں ایک نیا ماؤنٹین بائیک پارک تیزی سے شکل اختیار کر رہا ہے اور بائیکنگ کے شوقین افراد میں جوش و خروش بڑھ رہا ہے۔
پروجیکٹ کے کنسٹرکشن لیڈ اور رضاکار جیسے سونیف کے مطابق، ’’پورے منصوبے کا تقریباً 30 سے 40 فیصد کام مکمل ہو چکا ہے، جبکہ یہ حصہ 100 فیصد مکمل ہے۔
یہ کمیونٹی کی قیادت میں بنایا جانے والا منصوبہ چار ٹریکس پر مشتمل ہوگاڈِرٹ جمپ لائن (تقریباً مکمل)اسفالٹ پمپ ٹریک ،فلو لائن ،اسکل ٹریل لائن اس منصوبے کو 100 سے زائد رضاکاروں نے ہزاروں گھنٹے لگاکر حقیقت میں بدلا ہے۔
سونیف نے خوشی کا اظہار کرتے ہوئے کہایہ واقعی بہت دلچسپ ہے! میں بےچینی سے انتظار کر رہا ہوں کہ کمیونٹی یہاں آئے اور اس سے لطف اندوز ہو۔ ہم پہلے ہی دیکھ رہے ہیں کہ کمیونٹی نے بڑھ چڑھ کر اس کے قیام میں حصہ لیا۔‘‘
یہ پارک اس وقت منصوبہ بندی کے مرحلے میں آیا جب 2013 میں کوئین الزبتھ پارک ماسٹر پلان کے لیے عوامی مشاورت کی گئی۔ 2025 میں سٹی نے ترقیاتی پرمٹ کی منظوری دی اور 1.2 ملین ڈالر کی فنڈنگ ڈونیشنز اور حکومتی گرانٹس کے ذریعے فراہم کی گئی۔
ایڈمنٹن ماؤنٹین بائیک الائنس کے ڈاسن وائلڈمین نے بتایاجیسے ہی منظوری ملی، سب نے فوراً کام شروع کر دیا، ٹھیکیداروں سمیت، جو روزانہ یہاں کام کر رہے ہیں۔ ہر بار جب میں یہاں آتا ہوں تو لوگ رکتے ہیں، دیکھتے ہیں، سوالات پوچھتے ہیں اور ہمیں خوشی ہوتی ہے کہ انہیں پارک کے بارے میں بتائیں۔‘
رضاکار اب اس منصوبے کے آخری مرحلے کو دیکھنے کے لیے پرجوش ہیں۔ سونیف نے کہامیں خاص طور پر بیگنر جمپ لائنز کے لیے پرجوش ہوں کیونکہ میرے بچے بھی سائیکل چلانا سیکھ رہے ہیں۔‘
ایڈمنٹن ماؤنٹین بائیک الائنس کا کہنا ہے کہ وہ اس سال ہر کورس کی سافٹ اوپننگ کرنے کا ارادہ رکھتے ہیں، جبکہ گرینڈ اوپننگ گرمیوں 2026 میں رکھی گئی ہے۔
