91
امریکی میڈیا کے مطابق گزشتہ 5 روز سے جاری بارشوں کے باعث نیویارک کے مختلف علاقے زیر آب آگئے۔ پانی کے ریلوں نے سڑکوں کو نہروں میں تبدیل کر دیا۔ سیلاب کے باعث زیر زمین ٹرین کا نظام بند ہو گیا۔طوفانی بارشوں کے باعث سینکڑوں پروازیں منسوخ اور تاخیر کا شکار ہو گئیں جس سے ہزاروں مسافر ہوائی اڈوں پر پھنس کر رہ گئے۔
نیویارک کے جان ایف کینیڈی ایئرپورٹ پر 3 انچ سے زیادہ پانی کھڑا ہوگیا۔مزید بارش کی پیش گوئی کے بعد نیویارک میں ہنگامی حالت کا اعلان کر دیا گیا۔ حکام کا کہنا ہے کہ نیویارک کا بنیادی ڈھانچہ اضافی پانی کو سنبھال نہیں سکتا، جس سے افراتفری پھیلی ہوئی ہے اور عام زندگی مفلوج ہے۔
