اردو ورلڈ کینیڈا ( ویب نیوز ) میں حالیہ عام انتخابات میں کامیابی حاصل کرنے والے نومنتخب اراکینِ پارلیمنٹ نے
آج اپنے عہدوں کا حلف اٹھا لیا۔حلف برداری کی تقریب دارالحکومت ڈھاکا میں منعقد ہوئی جہاں بنگلادیش کے چیف الیکشن کمشنر نے منتخب نمائندوں سے حلف لیا۔12 فروری 2026 کو منعقد ہونے والے انتخابات میں بی این پی نے واضح برتری حاصل کرتے ہوئے 209 نشستیں جیتیں اور سب سے بڑی سیاسی جماعت کے طور پر سامنے آئی۔ دوسری جانب جماعت اسلامی اس کے اتحادیوں نے مجموعی طور پر 77 نشستوں پر کامیابی حاصل کی۔
حلف اٹھانے والوں میں بی این پی کے سربراہ اور ملک کے متوقع وزیراعظم طارق رحمن بھی شامل تھے، جبکہ جماعت اسلامی کے امیر شفیق الرحمن نے بھی رکنِ پارلیمنٹ کی حیثیت سے حلف لیا۔ سیاسی مبصرین کے مطابق بی این پی کی واضح اکثریت نئی حکومت کی تشکیل کو نسبتاً آسان بنائے گی۔
ذرائع کے مطابق آئندہ چند روز میں وزیراعظم کی باضابطہ حلف برداری کی تقریب بھی منعقد کی جائے گی، جس میں مختلف ممالک کے وفود کی شرکت متوقع ہے۔ پاکستان کی جانب سے وفاقی وزیر احسن اقبال کی زیرِ قیادت ایک وفد بھی بنگلادیش میں موجود ہے، جو متوقع وزیراعظم کی تقریبِ حلف برداری میں شرکت کرے گا۔
