Imran 
اردو ورلڈ کینیڈا ( ویب نیوز ) واٹس ایپ نے آڈیو سپورٹ کے ساتھ اسکرین شیئرنگ اور اپنے ویب ورژن کے لیے اسپیکر اسپاٹ لائٹ کی ایک نئی خصوصیت متعارف کرائی۔رپورٹس کے مطابق سپیکر اسپاٹ لائٹ کی نئی اپ ڈیٹ ویڈیو کال پر بولنے والے صارف کو خود بخود نمایاں کرنے کی صلاحیت رکھتی ہے۔رپورٹس میں یہ بھی بتایا گیا ہے کہ پلیٹ فارم نے ویڈیو کال پر شرکاء کی تعداد بڑھا کر 32 کر دی ہے۔
یہ بھی پڑھیں
کیا واٹس ایپ پر بغیر نمبر کے رابطہ کیا جا سکتا ہے ؟
اس کے علاوہ واٹس ایپ کی مالک کمپنی میٹا نے ایپ پر میٹا لو بٹ ریٹ (ایم لو) کوڈیک فیچر بھی متعارف کرایا ہے جس کا مقصد ناقص نیٹ ورک یا پرانے آلات میں کال کے معیار کو بہتر بنانا ہے۔یہ فیچر پہلے ہی انسٹاگرام اور میسنجر کالز کے لیے دستیاب ہے اور اب میٹا کے پلیٹ فارمز پر تجربے کو بہتر بنانے کے لیے اسے واٹس ایپ پر لایا جا رہا ہے۔کمپنی اگلے چند ہفتوں میں صارفین کے لیے اس نئی اپ ڈیٹ کو رول آؤٹ کرے گی.
