اردو ورلڈ کینیڈا ( ویب نیوز )سابق وفاقی وزیر اور پی ٹی آئی رہنما مراد سعید کی جانب سے مقدمات کی تفصیلات فراہم کرنے اور گرفتاری روکنے کی درخواست پر سماعت ہوئی۔

اسلام آباد ہائی کورٹ کے جسٹس ارباب محمد طاہر نے دوران سماعت ریمارکس دیے کہ فریقین کو بلا کر پوچھ گچھ کی جائے، مناسب احکامات جاری کیے جائیں گے۔ عدالت نے کہا کہ مراد سعید کے خلاف کوئی تادیبی کارروائی نہ کی جائے۔

سماعت کے دوران درخواست گزار کی جانب سے ایڈووکیٹ شیر افضل مروت عدالت میں پیش ہوئے اور دلائل دیتے ہوئے کہا کہ میرے موکل کے خلاف درج مقدمات کی تفصیلات دینے کا حکم دیا جائے۔ ایف آئی اے سمیت دیگر اداروں میں جاری انکوائری اور تفتیش کی تفصیلات بھی فراہم کی جائیں اور درخواست پر فیصلہ آنے تک مراد سعید کو گرفتار کرنے سے روکا جائے۔