پنجاب میں کسی گینگ اور نو گو ایریا کو برداشت نہیں کیا جائے گا،مریم نواز

15

اردوورلڈ کینیڈا( ویب نیوز)وزیر اعلیٰ پنجاب مریم نواز نے کہا ہے کہ پنجاب میں کسی گینگ اور نو گو ایریا کو برداشت نہیں کیا جائے گا۔
پولیس افسران کی کارکردگی کو جانچنے کے لیے "پرفارمنس انڈیکیٹرز” تجویز کیے گئے ہیں۔
وزیر اعلیٰ پنجاب مریم نواز سے صوبے بھر کے پولیس افسران نے ملاقات کی جس میں وزیر اعلیٰ نے پولیس افسران کی کارکردگی کا جائزہ لینے کے لیے ’کارکردگی کے اشاریے‘ ترتیب دیے۔
پولیس اہلکاروں اور افسران کو عوامی شکایات، ایف آئی آر، فرد جرم، نو گو ایریاز، سرچ آپریشنز اور غیر معمولی کارکردگی پر نمبر ملیں گے۔
اختراعی اور منفرد کارروائیوں سے پولیس افسران کو اضافی نمبر ملیں گے جبکہ ٹاسک مکمل کرنے میں ناکامی کے نتیجے میں پولیس افسران کے نمبروں میں کٹوتی ہوگی۔
اس موقع پر گفتگو کرتے ہوئے وزیر اعلیٰ پنجاب نے کہا ہے کہ پنجاب میں گینگز اور نو گو ایریاز کو برداشت نہیں کیا جا سکتا۔ مجرم کو معلوم ہونا چاہیے کہ اگر پکڑا گیا تو وہ سزا سے نہیں بچ سکے گا۔
پولیس افسران سے ملاقات کے دوران مریم نواز کا مزید کہنا تھا کہ سیاسی مداخلت سے مسائل پیدا ہوتے ہیں، بہت دبائو لیا لیکن سیاسی مداخلت پر مکمل روک لگا دی۔