امریکی محکمہ خارجہ کے ترجمان میتھیو ملر نے کہا کہ اسرائیلی وزراء کا بیان اشتعال انگیز اور غیر ذمہ دارانہ ہے، حماس کا کوئی مستقبل نہیں اور نہ ہی کوئی دہشت گرد گروپ اسرائیل کے لیے خطرہ ہے۔دوسری جانب اسرائیلی فوج نے غزہ میں اپنے حملوں میں تیزی لاتے ہوئے رہائشی علاقوں، پناہ گزینوں کے کیمپوں اور اسپتالوں پر بمباری کی جس کے نتیجے میں 24 گھنٹوں میں 200 سے زائد فلسطینی شہید ہوگئے۔
اسرائیلی فوج نے غزہ شہر میں حماس کے انٹیلی جنس ہیڈ کوارٹر پر بھی قبضہ کرنے کا دعویٰ کیا ہے۔صیہونی افواج نے غزہ میں جاری لڑائی کو طول دینے کے لیے غزہ سے ہزاروں فوجیوں کو واپس بلانا شروع کر دیا ہے۔ادھر مقبوضہ مغربی کنارے میں اسرائیلی مظالم میں کوئی کمی نہیں آئی۔ اسرائیلی فوج نے مغربی کنارے میں مزید 5 فلسطینیوں کو شہید کردیا۔اسرائیلی فوج نے لبنان میں حزب اللہ کے ٹھکانوں اور شام میں فوجی تنصیبات پر بھی حملہ کیا۔دوسری جانب فلسطینی مزاحمتی گروپوں نے چار دنوں میں 70 سے زائد اسرائیلی ٹینک اور فوجی گاڑیاں تباہ کیں جب کہ مزاحمت کے نتیجے میں متعدد اسرائیلی فوجی بھی مارے گئے۔