اردوورلڈ کینیڈا( ویب نیوز) وزیراعظم نے واضح کیا ہے کہ کسی کو بھی انتشار پھیلانے کی اجازت نہیں دی جائے گی، پاکستان کے مفادات اور ترجیحات سے کسی کو کھیلنے کی اجازت نہیں دی جا سکتی۔

وزیراعظم شہباز شریف نے ماڈل ٹاؤن میں ایک اہم اجلاس کی صدارت کی جس میں ملک کی موجودہ سیاسی صورتحال پر تبادلہ خیال کیا گیا۔
اجلاس سے خطاب کرتے ہوئے شہباز شریف نے کہا کہ ملک مخالف عناصر نہیں چاہتے کہ پاکستان ترقی کرے، پاکستان کے معاشی حالات روز بروز بہتر ہو رہے ہیں۔
انہوں نے کہا ہے کہ پیپلز پارٹی کے مطالبات کو سنجیدگی سے لیا جائے، جہاں تک ممکن ہو انہیں حل کرنا ہوگا۔
ملاقات کے دوران وزیراعظم شہباز شریف نے پاکستان پیپلز پارٹی کے خدشات دور کرنے کی ہدایت کی۔